Universitetslektor (10 ekstraerverv) i medisin (øre-, nese- og halssjukdommer)

UiB - Kunnskap som formar samfunnet

UiB skal vere blant Europas fremste universitet, internasjonalt kjent for høg kvalitet i forsking og utdanning. Som samfunnsinstitusjon skal vi bidra til ei berekraftig og demokratisk utvikling og vere ein attraktiv og inkluderande studie- og arbeidsplass.

Universitetslektor

Ved Det medisinske fakultet, Universitetet i Bergen, er det ledig ei åremålsstilling som universitetslektor (10 % ekstraerverv) i medisin (øre-, nese- og halsjukdommer) ved Klinisk institutt 1. Stillinga er for ei periode på fire (4) år etter nærare avtale. Stillinga er knytt til fast relevant hovudstilling ved Stavanger Universitetssjukehus (minimum 50 %). Arbeidsstad er Stavanger.

Arbeidsoppgåver:

• Den som vert tilsett skal undervise og rettleie medisinstudentar, samt ta på seg administrative oppgåver etter rettleiande tidsmessige rammer. Undervising er retta mot studentaktiv og praksisnær pedagogikk, der samarbeid med klinisk avdeling er viktig.
• Den som vert tilsett skal undervise medisinstudentar i det til ein kvar tid pågåande studieprogram. Det kan vera aktuelt med undervisning i relaterte emne og studieprogram.
• Den som vert tilsett, vert del av undervisningsgruppa for Vestlandslegen Stavanger og ØNH for UIB.

Kvalifikasjonar og eigenskapar:

• Søkjar må vere lege ) og fortinnsvis ha spesialitet i øre-nese-halssykdommer.
• Det er eit ønskje at søkjar har brei og relevant klinisk erfaring, samt stort engasjement
  
  og interesse for undervisning.
• Det er eit ønskje at søkjar har undervisnings- og administrativ erfaring samt
  
  erfaring med fagutvikling og populærvitskapleg formidling.
• Det vert lagt vekt på dokumentert vilje og evne til samarbeid.

Personlege eigenskapar blir vektlagd ved vurderinga.

Undervisningsspråket er i hovudsak norsk. Det blir kravd at den som blir tilsett har ferdigheiter i norsk eller eit anna skandinavisk språk på nivå B2 innan tre år etter tilsetjinga. UiB tilbyr norskopplæring og vil legge til rette for at språkkravet kan oppfyllast.

Vi tilbyr:

• Eit godt og internasjonalt arbeidsmiljø og spanande arbeidsoppgåver i eit fakultet med fagmiljø som hevdar seg godt nasjonalt og internasjonalt.
• Faglege utfordringar med gode høve for personleg utvikling og kompetanseutvikling.
• Løn er for tida kr – kode 1009) brutto pr. år for ei fulltidsstilling. For særleg kvalifisert søkjar kan det verte aktuelt å vurdere høgare løn.
• God pensjonsordning i Statens pensjonskasse.
• Gode velferdsordningar.

Søknaden skal innehalde:

• Søknad som fortel kvifor du søkjer stillinga.
• Utfyllande CV og karakterutskrifter (all høgare utdanning) og relevante attestar.
• Dokumentasjon på utdanningsfagleg kompetanse.
• To referansar (namn og kontaktinformasjon).
• Dersom du driv forsking legg du og ved: fullstendig publikasjonsliste og vitskaplege arbeid (maks 10) i pdf format.

Generell informasjon:

Utfyllande opplysningar om stillinga får ein ved å vende seg til instituttleiar ved Klinisk institutt 1 Professor Christian A. Vedeler, eller studieleiar i Stavanger

Førsteamanuensis Audun Vik-Mo,

Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder.

Universitetet i Bergen nyttar meirinnsyn ved tilsetjing i vitskaplege stillingar.

Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.

Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju.

Om Universitetet i Bergen

Universitetet i Bergen er ein anerkjend utdannings- og forskingsinstitusjon, organisert i sju fakultet og omlag 54 institutt og faglege senter. Campus ligg i sentrale delar av Bergen med universitetsområde på Nygårdshøyden, Haukeland, Marineholmen, Møllendalsveien og Årstad.

Det medisinske fakultet består av fem institutt og åtte senter.

Søknadsfrist

1. november 2025

Arbeidsgivar

Universitetet i Bergen

Kommune

Bergen

Omfang

Deltid (10%)

Varigheit

Åremål

Arbeidsstad

Jonas Lies vei 87, 5021 Bergen

Ledige stillingar - Universitetet i Bergen