Rådgivar - verjemål

Statsforvaltaren i Møre og Romsdal

6412 Molde

Om jobben

Stillingstittel

Rådgiver - verjemål

Type ansettelse

Fast, heltid 100%

Arbeidstid

Dagtid, ukedager

Arbeidsspråk

Norsk

Antall stillinger

1

Arbeidssted

Hybridkontor

Søk senest lørdag 29. november

Vil du bidra til rettstryggleik for menneske som treng støtte i kvardagen?

Vi har ledig ei fast 100 % stilling som rådgivar i seksjon for verjemål. Her får du jobbe med meiningsfulle og varierte oppgåver i eit fagmiljø med høg kompetanse og brei erfaring.

Om seksjonen og arbeidsoppgåvene

Seksjon for verjemål har ansvar for å oppnemne verjer, rettleie og føre tilsyn med verjer, sikre at personar med verje får ivareteke sine rettar og stadfeste framtidsfullmakter. Vi er førsteinstans på området og har tett kontakt med personar som har eller treng verjemål, pårørande, kommunale og statlege tenesteytarar og andre offentlege instansar.

Arbeidet i seksjonen er prega av samarbeid og fagleg støtte, samtidig som kvar medarbeidar har stor grad av sjølvstende i saksbehandlinga. Det meste av kontakten med eksterne skjer via telefon og skriftlege henvendelsar, og arbeidskvardagen består i stor grad av saksbehandling etter verjemålslova og tilhøyrande regelverk. I starten vil oppgåvene dine vere å saksbehandle søknader om verjemål.

Kven er du?

Vi ser etter deg som

har bachelorgrad innan rettsvitskap, jus/administrasjon, samfunnsfag eller helse-/sosialfag

kommuniserer godt på norsk, både munnleg og skriftleg

trivst med saksbehandling og varierte oppgåver

jobbar sjølvstendig, strukturert og målretta

Det er ein fordel om du har erfaring frå offentleg forvaltning og bruk av digitale verktøy.

Hos oss får du

interessante og utviklande arbeidsoppgåver i eit fagleg sterkt og støttande arbeidsmiljø

opplæring i regelverk og datasystem

ein stabil arbeidsgivar med fleksibel arbeidstid

løn som 1434 rådgivar med lønsspenn frå kr ,- til kr ,-. Lønsinnplassering avheng av kvalifikasjonar, erfaring og lokal lønspolitikk. I særskilte tilfelle kan høgare løn vurderast.

tilsetting etter gjeldande lover, instruksar og reglement. Dei første seks månadene er prøvetid

medlemskap i ei av landets beste pensjonsordningar, Statens pensjonskasse (SPK). Vi trekker 2 prosent av løna di, og i tillegg betaler vi eit innskot til pensjonsordninga di. I SPK får du særs gode pensjons- og forsikringsordningar samt gunstige vilkår for lån til bustad )

høve til å trene i arbeidstida

Hos oss får du rammer som legg til rette for ein fornuftig balanse mellom jobb og fritid. Vi veit at mange ønskjer seg ein kvardag med moglegheit for å veksle mellom å jobbe frå heimen og møtast på kontoret. Hos oss er hovudarbeidsstad kontoret. Vi kan sporadisk jobbe noko heimanfrå om arbeidsoppgåvene ligg til rette for det. Fast avtale om noko heimekontor kan vi inngå etter prøvetida. Les elles meir om godane ved å jobbe i staten på Arbeidsgiverportalen )

Som vår nye kollega vil du få ein utfordrande jobb i eit utviklande og godt fagmiljø.

Vi bruker som hovudregel nynorsk som skriftspråk. Den som vert tilsett må beherske norsk både skriftleg og munnleg. Utviklinga av organisasjonen vår er ein kontinuerleg prosess, og den som vert tilsett må vere open for endringar i organisering, oppgåver og ansvarsområde.

Mangfald

Eit godt arbeidsmiljø er prega av mangfald. Vi ønskjer medarbeidarar med ulike kompetansar, fagkombinasjonar, livserfaring og perspektiv for å bidra til ei enda betre oppgåveløysing. Vi oppfordrar difor alle kvalifiserte kandidatar til å søkje utan omsyn til alder, kjønn, funksjonsevne eller etnisk bakgrunn. Du er også velkomen til å søkje sjølv om du ikkje kan vise til ein samanhengande yrkeskarriere. Vi legg til rette for medarbeidarar som har behov for det.

Har du ei funksjonsnedsetting, hol i CV-en eller innvandrarbakgrunn, kan du bli positivt særbehandla om du set kryss for dette når du søkjer stillinga. Du kan lese meir om dette på arbeidsgivarportalen ).

Praktisk informasjon om søknadsprosessen

Alle som søkjer stillinga må søkje digitalt. Når søknadsfristen går ut, vurderer vi søknaden din på bakgrunn av informasjonen du har sendt oss. Det er difor viktig at du både i søknadsbrevet og CV-en, viser korleis kompetansen din fyller krava som er satt i utlysinga.

Det er viktig at du registrere all relevant utdanning og erfaring i profilen du opprettar i rekrutteringssystemet (sjølv om du legg ved ein ferdigutfylt CV). Dette er mellom anna nødvendig for å ivareta kravet om fullstendig søkjarliste.

Relevante vitnemål og attester lastar du opp. Vitnemål og/eller karakterutskrifter kan du gjerne hente frå vitnemålsportalen. Har du utdanning frå utlandet, legg du ved godkjenning frå NOKUT/Direktoratet for høyere utdanning og kompetanse. Vedlegg lastar du opp i PDF-format.

Offentleg søkjarliste blir utarbeidd etter søknadsfristens utløp. Om du ønskjer å reservere deg frå den offentlege søkjarlista, må du grunngje dette særskilt. For at vi skal kunne vurdere ønskjet ditt om reservasjon, må du grunngje konkret kva for ulempe det vil ha for deg å stå på den offentlege søkjarlista. Du vil bli varsla om ønsket ditt ikkje vert tatt til følgje. Vi gjer merksam på at søkjarlista kan bli offentleg sjølv om du som søkjar ber om anonymitet jf. offentleglova § 25.

Om oss

Statsforvaltaren er Kongen og Regjeringa sin fremste representant i fylket. Vi har ansvaret for å informere om statleg politikk og sette handlingsplanar ut i livet. Oppgåvene er i hovudsak rettleiing, tilsyn og klagebehandling retta mot enkeltpersonar, kommunar og bedrifter. Dette gjeld innan kommuneøkonomi og forvaltning, sosial- og familierettslege saker, samfunnstryggleik og beredskap, helse, utdanning, landbruk og miljøvern. Vi er ein kompetansearbeidsplass med om lag 150 medarbeidarar som jobbar for visjonen vår «Trygg framtid for folk og natur».

Har du spørsmål om stillinga? Ta gjerne kontakt med rekrutterande leiar Kjersti Klemetsen Bakken på telefon (Norge

Søknadsfrist: 30. november 2025

Kontaktperson for stillingen

Kjersti Klemetsen Bakken

Om bedriften

Sektor

Offentlig

Annonsedata

Stillingsnummer

bf1298e2-e039-4ada-8dec-54d0ca4ad8a0

Sist endret

1. november 2025

Hentet fra

sap

Referanse

ID759 - verjemål

Lignende annonser

Rådgivar/seniorrådgivar - landbruk

Arbeidsgiver

Statsforvaltaren i Møre og Romsdal

Sted

Molde

Rådgiver/Seniorrådgiver

Arbeidsgiver

Fosterhjemstjenesten i Bufetat, region Midt-Norge, avd. Molde

Sted

Molde, Molde

Drift og forvaltning

Rådgivere/seniorrådgivere

Arbeidsgiver

Molde kommune Drift og forvaltning

Sted

Molde