Førsteamanuensis/førstelektor i spesialpedagogikk/pedagogikk

Høgskulen på Vestlandet (HVL) er ein av dei største høgskulane i landet, med om lag 1 900 tilsette og 17 500 studentar fordelte på fem campus i Førde, Sogndal, Bergen, Stord og Haugesund.

Vi har sterke og innovative fagmiljø innan helse- og sosialvitskap, ingeniør- og naturvitskap, økonomi, samfunnsvitskap og maritime studier, og lærarutdanning, kultur og idrett. HVL tilbyr bachelor-, master- og doktorgradsutdanningar og ulike årsstudium.

HVL er tett på arbeidslivet, regionen og studentane, og har mål om å bli eit universitet med profesjons- og arbeidslivsretta profil.

Fakultet for lærarutdanning, kultur og idrett har fire institutt med tilsette i Bergen, Sogndal og på Stord. Fakultetet er ein av dei største lærarutdanningsinstitusjonane i landet med rundt 6 600 studentar og 550 tilsette, og tilbyr barnehagelærarutdanning, grunnskulelærarutdanning for 1.-7. og 5.-10. trinn, praktisk-pedagogisk utdanning, bachelorutdanningar, masterutdanningar og Ph.d.-program. Fakultetet har eit omfattande etter- og vidareutdanningstilbod. Forskingsaktiviteten ved fakultetet blir organisert i forskingsprogram og forskargrupper.

Instituttet gjev undervisning på alle nivå og er involvert i barnehagelærarutdanninga, grunnskulelærarutdanningane, bachelorutdanningar og praktisk-pedagogisk utdanning. I tillegg bidreg instituttet i to-årige masterutdanningar og i Ph.d.-programmet Studier av danning og didaktiske praksisar. Instituttet har eit omfattande etter- og vidareutdanningstilbod.

Tilsette på instituttet er involvert i forsking som er relevant for utdanningane våre og deltar i fagleg nettverksarbeid både nasjonalt og internasjonalt. Instituttet har som mål å vere i front av profesjonsorientert kompetanseutvikling innanfor sine fagfelt. I denne samanhengen er vi i kontinuerleg samarbeid med viktige aktørar i regionen om til dømes vidareutdanning og skule- og barnehagebasert kompetanseutvikling.

Stillinga inngår i Institutt for pedagogikk, religion og samfunnsfag, campus Stord.

Stillinga er knytt til pedagogikk-fagmiljøet for grunnskulelærarutdanningane. Fagmiljøet totalt på dei tre campusa er stort og dynamisk med eit rikt og mangfaldig forskarmiljø med pågåande prosjekt nasjonalt og internasjonalt.

I fagmiljøet er det brei kompetanse innanfor både spesialpedagogikk, profesjonsretta pedagogikk og allmennpedagogikk. I tillegg til å bidra i dei femårige grunnskulelærarutdanningane, deltar fagmiljøet også i desentralisert kompetanseutvikling og i etter- og vidareutdanningstilbod. Fagmiljøet er også aktivt deltakande i andre masterutdanningar og i doktorgradsprogrammet «Danning og didaktiske praksisar».

Stillinga har følgande ansvars- og arbeidsoppgåver:

• Forskings- og utviklingsarbeid med klar relevans for stillingsprofilen. Fakultetet har 5 strategiske forskingsprogram (Kunst, kreativitet og kulturelle praksisar; Språk, kommunikasjon og læring; Praksisnær profesjons- og utdanningsforsking; Berekraft, medverknad og mangfald og Idrett, fysisk aktivitet og kosthald) og det blir forventa at dei tilsette bidreg med forsking innretta mot eitt eller fleire av programma.
• Undervise, rettleie og utvikle studentaktive læringsformer i tråd med krav i studietilsynsforskrifta. Desse oppgådene vil vere knytt til grunnskulelærarutdanningane. Det kan også vere aktuelt med oppgåver innan bachelor-, master-, og Ph.d.-utdanning og innanfor etter- og vidareutdanning.
• Institusjonsbyggjande arbeid i rekna: rettleie tilsette, fagadministrative oppgåver, internasjonalisering og samhandling med eksterne partnarar.
• For tilsetting som førsteamanuensis må søkar ha fullført doktorgrad i spesialpedagogikk, pedagogikk, psykologi, barnevernspedagogikk, sosialpedagogikk eller tilsvarande med klar spesialpedagogisk / pedagogisk relevans for grunnskolelærarutdanningane.
• Utdanningsfagleg kompetanse er eit krav for stillinga.

Personlege eigenskaper:

• Den som blir tilsettmå vere personleg egna for stillinga.

Språkkrav:

• Undervisningsspråket er til vanleg norsk, og søkarar må meistre norsk eller anna skandinavisk språk.

Følgande tel positivt i vurderinga:

• Kompetanse innan språk-, lese- og skrivevanskar.
• Kompetanse innan områda demokratisk medborgarskap, danning og/eller mangfald.
• Erfaring frå initiering og leiing av forskings- og utviklingsarbeid, i rekna erfaring med å skaffe ekstern finansiering.
• Erfaring frå ph.d.-rettleiing og rettleiing av kollegaer.
• Relevant erfaring frå grunnskule, vidaregåande opplæring eller høgare utdanning.

Søkarar som ved tilsetting ikkje oppfyller krava i henhold til forskrifta må oppfylle dei innan to år. HVL tilbyr kurs i høgskolepedagogikk.

Moglegheit for mellombels tilsetting:

Dersom ingen søkarar oppfyller kvalifikasjonskrava for tilsetting i stilling som førsteamanuensis (st.kode 1011) eller førstelektor (st.kode 1198), kan det bli aktuelt å tilsette mellombels i inntil eitt år som høgskulelektor (st.kode 1008).

Aktuelle kandidatar blir innkalla til intervju med prøveforelesing. Ønska tiltredingsdato er 01.08.2025.

Søkarar til vitskapelege stillingar vert vurdert av eit sakkunnigutval. Vurderinga skjer på bakgrunn av dokumentert kompetanse, oversikt over arbeida, kva dei er offentleggjort og inntil 5 vitskaplege arbeidsom skal leggjast ved søknaden i fulltekst. Tilsettingsorganet tilsetjingsutval ved Høgskulen på Vestlandet.

Send søknad og CV ved å klikke på knappen merka "Søk stillingen" på denne sida.

Vi gjer merksam på at søknadar vert vurdert ut frå den informasjon som er lagt inn i www.jobbnorge.no ved søknadsfristens utløp. Det er søkar sitt ansvar å sørgje for at alle relevante vedlegg er lagt inn innan fristen, herunder:

Dersom vitnemåla, karakterutskriftar eller anna dokumentasjon ikkje er på eit skandinavisk språk eller engelsk, må søkar sjølv laste opp attesterte omsetjingar. Om vedlegga overskrider 25 MB må de komprimere dei før opplasting eller leggje ved som lenkje, total maksgrense for opplasting av vedlegg er 50 MB.

Vigjer merksam på at søknad om vurdering gjennom den ordinære godkjenningsordninga til HK-dir kan ta tid. Du bør difor sende søknad om godkjenning så raskt som mogeleg når du veit at du vil søke på stillinga. Dersom du ikkje har fått svar frå HK-dir innan søknadsfristen, legg du ved dokumentasjon frå HK-dir om at dei har motteke søknaden din.

Søknadane vert send elektronisk til det sakkunnige utvalet. På bakgrunn av utvalet si innstilling vil aktuelle søkarar bli kalla inn til intervju og prøveundervisning.

Søknadar kan ikkje sendast på e-post til enkeltpersonar ved høgskolen.

• Gode pensjons-, forsikrings-, og låneordningar i Statens pensjonskasse.
• Spennande fagmiljø med moglegheit for kompetanseheving- og utvikling.
• Høve for trening i arbeidstida.

Vi gjer merksam på at unntak frå den offentlege søkarlista vert handsama etter reglane i Offentligheitslova. Søkarar som har bede om slikt unntak, blir varsla dersom ønsket ikkje vert teke til følge.

Den statlege arbeidsstyrken skal i størst mogleg grad spegle mangfaldet i befolkninga. Det er difor eit personalpolitisk mål å oppnå ein balansert alders- og kjønnssamansetning og rekruttere personar med minoritetsbakgrunn, nedsett funksjonsevne og hol i CV.