Er du vår nye LIS3?

100% fast stiling som lege i spesialisering (LIS3) i radiologi ved Førde sentralsjukehus.

Er du nyutdanna lege og klar for å starte spesialiseringa di? Ønskjer du ein trygg og lærerik start på karrieren, med tett oppfølging og eit inkluderande fagmiljø? Då kan LIS-stillinga i radiologi ved Førde sentralsjukehus vere noko for deg Treff nokre av våre tilsette i denne flotte videosnutten

Kvifor velje Førde?

• Ein trygg start i eit oversiktleg sjukehusmiljø der du blir sett og fulgt opp
• Variert praksis og erfaring med bruk av bildediagnostikk
• Tett rettleiing frå erfarne spesialistar og gode moglegheiter for fagleg utvikling
• Eit sosialt og støttande arbeidsmiljø med låg terskel for å stille spørsmål

Stillinga som LIS innheld vakt i 6-delt vaktskikt og noverande plan innheld ei friveke kvar 6 veke. Vi er fleksible i høve oppstartstidspunkt.

Dette får du hos oss:

• Eit LIS-løp med god struktur og individuell oppfølging
• Kurs og undervisning som støttar spesialiseringa di
• Moglegheit for å delta i forsking og fagutvikling
• Sosiale arrangement og eit inkluderande kollegium
• Ein arbeidskvardag med mykje humor og støtte frå kollegaer
• Rekrutteringstillegg

Her får du 10 gode grunnar til å jobbe med oss

Nøkkelinformasjon

Søknadsfrist:

Arbeidsgivar:

Helse Førde

Stillingstittel:

Er du vår nye LIS 3?

Stillingar:

1

Heiltid / Deltid:

Heiltid

Tilsetjingsform:

Fast

Stillingsprosent:

100

Webcruiter-ID:

Kven passar stillinga for?

Vi ser etter deg som:

• Er ferdig med medisinstudiet, har gjennomført LIS1 og ønskjer å spesialisere deg innan radiologi
• Er nysgjerrig, lærevillig og likar å jobbe både sjølvstendig og i team
• Har gode kommunikasjonsevner og ønskjer å bidra til eit godt arbeidsmiljø

Avdelinga har omlag 70 tilsette, der 20 er legar. Ved seksjonen i Førde har vi 2 CT-maskiner, 2 MR-maskiner, 3 konvensjonelle røntgen apparat, 2 digitale mobile apparat, 2 mammografiapparat (klinisk og screening), gjennomlysing/intervensjon/angio, samt 3 ultralyd apparat. Førde sentralsjukehus er eit middels stort sjukehus som har kliniske avdelingar innan dei fleste fagområda. Sjå

Bu midt i livets leikeplass: Vestlandet

I Sunnfjord bur du midt i eit friluftseldorado med kort veg til toppturar, klatring, stisykling, kajakkpadling og andre aktivitetar. I løpet av ei helg kan du oppleve både strender i verdsklasse og fjellturar du elles berre ser på instagram.

Her er også urbane tilbod som restaurantar, kjøpesenter, treningssenter, kaféliv, kulturliv, teater og konsertar. Vi har flyplass og eit godt utbygd kollektivtilbod, og Bergen ligg tre timar unna med bil. I Sunnfjord vil du oppleve ein enkel kvardagslogistikk med korte avstandar til det meste.

Vi oppfordrar alle søkjarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Adresse:

Svanehaugvegen 2, 6812 Førde, Norge

Kontaktinformasjon

Børge Stavland

Avdelingssjef

Telefon:

Helse Førde HF har ansvar for spesialisthelsetenestene i Sogn og Fjordane. Føretaket arbeider for å gje pasientar og brukarar eit godt og heilskapeleg tilbod innanfor gjeldande rammer. Helse Førde sine institusjonar og prehospitale tenester er organisert i eit heilskapleg nettverk, og samarbeidet med andre instansar som m.a. kommunane er høgt prioritert. Føretaket har om lag 3 200 tilsette og eit budsjett på over 3,6 milliardar kroner og er den største verksemda i Sogn og Fjordane. Forsking og innovasjon er og viktige oppgåver i sjukehuset.

Helseføretaket er eigd av det statlege Helse Vest RHF. Føretaksgruppa i Helse Vest skal spegle mangfaldet i befolkninga i rekrutteringa vår. Vi oppmodar alle som er kvalifiserte til å søkje ledige stillingar uansett kjønn, alder, fleirkulturell bakgrunn eller om du har hatt opphald frå arbeidslivet. Føretaksgruppa i Helse Vest ønskjer å leggje til rette for inkluderande rekruttering.