Bioingeniør ved Avdeling for medisinsk biokjemi og farmakologi

Om stillinga

Vil du vere med på å sikre presis og trygg pasientbehandling – og samstundes utvikle deg fagleg i eit stort og variert laboratoriemiljø?

Avdeling for medisinsk biokjemi og farmakologi (MBF) ved Haukeland universitetssjukehus har som oppdrag å levere laboratorieanalysar av høg kvalitet – til rett tid og med høg fagleg presisjon – for å støtte diagnostikk, behandling og oppfølging av pasientar. Vi er det største laboratoriet i Helse Bergen, med over 360 tilsette fordelt på ulike seksjoner og fagfelt.

Som bioingeniør hos oss blir du ein viktig del av dette arbeidet. Du får etter kvart varierte oppgåver innan både preanalytiske og analytiske prosessar, og moglegheit til å jobbe på tvers av fleire seksjonar. Analysearbeidet omfattar mellom anna automatisert biokjemi, hematologi og koagulasjon, hormon, porfyri- og proteinanalysar, rusmiddeltesting og pasientnær analysering. Dette gir deg god innsikt i breidda av laboratoriediagnostikk og moglegheit til å byggje erfaring innan ulike fagområde.

Vi legg til rette for rullering mellom seksjonar og gir rom for å utforske ulike metodar og spesialfelt – i den grad det lar seg kombinere med avdelingas behov og drift.

Vi ser etter deg som ønskjer å bidra til trygg og presis pasientbehandling. Du er nysgjerrig på nye metodar, likar å lære, og set pris på å samarbeide med kollegaer. Vi ønskjer deg som bidreg positivt til arbeidsmiljøet, og har lyst til å gjere ein jobb som betyr noko for andre.

Aktuelle søkarar kontaktes fortløpande. Oppstart etter avtale.

Nøkkelinformasjon

Søknadsfrist:

Arbeidsgivar:

Helse Bergen HF

Stillingstittel:

Bioingeniør

Heiltid / Deltid:

Heiltid

Tilsetjingsform:

Fast

Stillingsprosent:

100

Webcruiter-ID:

Del på X

Del på Facebook

Arbeidsoppgåver

Som bioingeniør hos oss vil du få ein variert arbeidskvardag med både preanalytiske og analytiske oppgåver. Du vil mellom anna jobbe med blodprøvetaking, prøvebehandling og analysearbeid innan ulike fagområde. Arbeidet gir god innsikt i breidda av laboratoriediagnostikk, og du får anledning til å utvikle deg gjennom praktisk erfaring i fleire delar av drifta.

Bioingeniørar i grunnstilling deltar i 3-delt vaktordning.

Kvalifikasjonar

• Norsk autorisasjon som bioingeniør
• Gode ferdigheiter i norsk, både munnleg og skriftleg
• Erfaring frå medisinsk laboratoriearbeid er ein fordel, men ikkje eit krav
• Interesse for teknologi og laboratoriemetodar
• Gjerne erfaring med eller interesse for kvalitetsarbeid, IT eller forbetringsarbeid
• Personlege eigenskaper vil bli lagt vekt på

Personlege eigenskapar

• Ønsker å bidra til eit viktig samfunnsoppdrag og gjere ein forskjell for pasientane
• Er nysgjerrig og open for å lære nye metodar og arbeidsområde
• Trivst med samarbeid og bidrar til eit godt arbeidsmiljø
• Er strukturert og påliteleg i arbeidet – samstundes som du er open for å stille spørsmål og lære undervegs
• Kan arbeide sjølvstendig og organisere eigen arbeidsdag på ein effektiv måte
• Er positiv, ser etter løysingar og viser engasjement for faget

Vi tilbyr

• Eit inkluderande arbeidsmiljø
• Eit organisert opplæringsprogram
• Moglegheiter for rullering mellom seksjonar
• Lønn etter overeinskomst
• Gode pensjons- og forsikringsordningar gjennom KLP

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Adresse:

Haukelandsveien 22, 5021 Bergen, Norge

(i ny fane)

Kontaktinformasjon

Ingunn Børø

Sjefbioingeniør

Telefon:

E-post:

Anne Grete Aune

Seksjonsleiar personal- og driftsstøtte

Telefon:

E-post:

Om arbeidsgivaren

Helse Bergen, Haukeland universitetssjukehus, har nærare14.000 tilsette som har som mål å gi best mogleg helsehjelp til pasientane våre, og rett opplæring til pasientar og pårørande. Kvart år behandlar vi over pasientar og bidreg i utdanninga av fleire tusen helsearbeidarar. Forsking og innovasjon er og viktige oppgåver i sjukehuset.

Helse Vest skal så langt som råd avspegle mangfaldet i befolkninga. Vi ønsker å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta.